Shefi i kabinetit të presidentes Vjosa Osmani, Blerim Vela, ka thënë se Qeveria e Serbisë po tenton të ndërhyjë në zgjedhjet lokale që pritet të mbahen më 23 prill në katër komuna veriore të Kosovës.
Pas një njoftimi të lëshuar nga Qeveria e Serbisë për zgjedhjet e jashtëzakonshme në veri, Vela ka thënë se kjo tregon më së miri përpjekjet e këtij vendi për të ndërhyrë.
“Një ndërhyrje e tillë e huaj në zgjedhje synon të prishë të gjithë procesin zgjedhor dhe të frikësojë serbët vendas që të mos ushtrojnë të drejtën e tyre demokratike për të zgjedhur përfaqësuesit e tyre”, ka shkruar ai në Twitter.
Në kumtesën e lëshuar nga qeveria serbe përmendet një pako me masa për të mbrojtur të drejtat e serbëve dhe interesin nacional në Kosovë.
