Presidenti i Algjerisë, Abdelmadjid Tebboune dhe presidenti i Francës, Emmanunel Macron diskutuan për marrëdhëniet mes dy vendeve, transmeton Anadolu.
Në një deklaratë me shkrim nga Presidenca algjeriane thuhet se Tebboune zhvilloi bisedë telefonike me homologun e tij francez Macron.
Dy liderët diskutuan për marrëdhëniet Algjeri-Francë dhe rrugët për forcimin e këtyre marrëdhënieve, thuhet në deklaratën ku bëhet e ditur se Macron i ka shprehur urimet e tij presidentit Tebboune me rastin e Fitër Bajramit.
Më tej njoftohet se në bisedë Tebboune ka rënë dakord që vizitën e tij në Francë të cilën më parë e kishte planifikuar në muajin maj, ta zhvillojë në gjysmën e dytë të qershorit dhe se palët vazhdojnë punimet që vizita të jetë e suksesshme.
Ndërkohë nuk janë ndarë detaje për arsyen e shtyrjes së vizitës zyrtare të presidentit algjerian për rreth një muaj më vonë.