Presidenti i Turqisë, Recep Tayyip Erdoğan në Astana ku ndodhet për vizitë u prit me ceremoni zyrtare nga presidenti i Kazakistanit, Kassym-Jomart Tokayev, transmeton Anadolu Agency (AA).
Në ceremoninë e pritjes që u mbajt në pallatin presidencial Akorda, Erdoğan dhe Tokayev i prezantuan njëri-tjetrit delegacionet e tyre.
Erdoğan dhe Tokayev zunë vendet e tyre në zonën e ceremonisë dhe më pas u intonuan himnet kombëtare të dy vendeve.
Pas përshëndetjes së trupës ceremoniale, Erdoğan dhe Tokayev kaluan në takimin kokë më kokë dhe më pas në takime ndërmjet delegacioneve.
Në ceremoni të pranishëm ishin edhe ministri i Punëve të Jashtme, Mevlüt Çavuşoğlu, ministri i Bujqësisë dhe Pylltarisë, Vahit Kirişci, ministri i Tregtisë, Mehmet Muş, ministri i Transportit dhe Infrastrukturës, Adil Karaismailoğlu, zv.kryetari i përgjithshëm i AK Partisë Binali Yıldırım, zv.kryetari i përgjithshëm dhe zëdhënësi i AK Partisë, Ömer Çelik, kreu i Agjencisë Kombëtare të Inteligjencës (MIT), Hakan Fidan, kreu i Industrisë së Mbrojtjes së Turqisë, Ismail Demir, drejtori i Komunikimeve të Presidencës, Fahrettin Altun dhe zëdhënësi i Presidencës, İbrahim Kalın.
Kazakistan Cumhurbaşkanı Kasım Cömert Tokayev ile Anlaşmaların İmza Töreni ve Ortak Basın Toplantısıhttps://t.co/4SELlzbjGz
— Recep Tayyip Erdoğan (@RTErdogan) October 12, 2022
