Presidenti turk, Recep Tayyip Erdoğan, është takuar përmes video-konferencës me astronautin e parë turk Alper Gezeravcı gjatë një takimi të kabinetit, raporton Anadolu.
Gezeravcı do të dërgohet në Stacionin Ndërkombëtar të Hapësirës (ISS) në kuadër të “misionit të parë hapësinor me njerëz”, i cili është pjesa e parë e Programit Kombëtar të Hapësirës të Turqisë.
Duke folur në takim, Erdoğan tha se Gezeravcı do të nisë një mision historik të mërkurën vonë.
Erdoğan theksoi rëndësinë e këtij misioni, si një përpjekje shkencore dhe si burim frymëzimi për fëmijët dhe të rinjtë.
Erdoğan shprehu shpresën se “ky mision do të ishte një fillim i ri”.
“Ne do të vazhdojmë këtë mision. Ne do të synojmë gjithmonë më lart. Ne ju jemi mirënjohës për hapjen e perdes që kufizon ëndrrat tona për brezat e ardhshëm”, tha presidenti turk.
Gezeravcı, nga ana e tij, tha se aktualisht ndodhet në karantinë në Orlando të Floridës, ku do të kryejë aktivitetet e “misionit të parë hapësinor me njerëz”.
“Ne e konsiderojmë astronautin tonë të parë turk, të cilin do të dërgojmë në hapësirë nesër mbrëma në orën 01:11 të mëngjesit (2211 GMT), si një simbol të ri të një Turqie në zhvillim, fuqizim dhe këmbëngulje”, tha Ministria Turke e Industrisë dhe Teknologjisë në një deklaratë të lëshuar pas mbledhjes së kabinetit qeveritar.
Sipas deklaratës, presidenti Erdoğan i ka uruar suksese astronautit Gezeravcı në studimet e tij shkencore në Stacionin Ndërkombëtar të Hapësirës.
Yarın gece saat 01.11’de uzaya uğurlayacağımız ilk Türk astronotumuzu büyüyen, güçlenen ve iddia sahibi Türkiye’nin yeni bir nişanesi olarak görüyoruz.
Alper Gezeravcı kardeşimize Uluslararası Uzay İstasyonu’nda yürüteceği bilimsel çalışmalarda şimdiden başarılar diliyorum. pic.twitter.com/SxXwe2okRS
— Recep Tayyip Erdoğan (@RTErdogan) January 16, 2024
