Presidenti i Turqisë, Recep Tayyip Erdogan, u ka përcjellë urimet e tij qytetarëve të krishterë dhe botës së krishterë me rastin e Pashkëve, transmeton Anadolu.
“Në një kohë kur diskriminimi, racizmi kulturor dhe intoleranca po rriten gjithnjë e më shumë, uniteti, bashkimi dhe solidariteti i treguar nga të gjithë qytetarët tanë, pavarësisht besimeve të tyre, vazhdojnë të japin shembull për botën”, tha Erdogan, sipas një deklarate nga.
Siç njofton Drejtoria e Komunikimeve e Turqisë, Erdogan theksoi vendosmërinë për të forcuar këtë klimë paqeje, të cilën e përshkroi si garanci të harmonisë shoqërore, veçanërisht në një periudhë sfiduese për rajonin.
“Me këto mendime, edhe një herë uroj për Pashkë të gjithë anëtarët e botës së krishterë, veçanërisht qytetarët tanë të krishterë me të cilët kemi jetuar nën të njëjtin qiell për shekuj dhe do të vazhdojmë të jetojmë përgjithmonë dhe uroj që ajo të sjellë paqe, stabilitet dhe qetësi në rajonin dhe botën tonë”, tha presidenti turk.
Pashkët, dita më e shenjtë në kalendarin e krishterë që shënon ringjalljen dhe premtimin e jetës së përjetshme, bien këtë të diel për denominacionet e krishtera perëndimore, ndërsa për ato lindore festohen më vonë për shkak të përdorimit të kalendarëve të ndryshëm.
