RTV AHIRETI
LajmeRajon dhe Botë

Presidenti i Pakistanin shpërndau parlamentin me kërkesë të kryeministrit

presidenti-i-pakistanin-shperndau-parlamentin-me-kerkese-te-kryeministrit

Presidenti i Pakistanit, Arif Alvi, shpërndau parlamentin me këshillën e kryeministrit Shehbaz Sharif, transmeton Anadolu.

Siç njoftohet nga Zyra e Presidentit, Alvi nënshkroi këshillën gjysmë ore pasi ajo u dërgua nga kryeministri Sharif, duke i hapur rrugën një qeverie kalimtare që do të mbajë zgjedhje të përgjithshme.

Kabineti federal u shpërnda automatikisht pas nënshkrimit të presidentit.

Sharif kishte njoftuar më parë se qeveria e koalicionit do të bie, edhe atë tre ditë para përfundimit të mandatit pesëvjeçar të deputetëve.

Sharif do të vazhdojë të shërbejë si kryeministër në detyrë derisa kryeministri i qeverisë kalimtare të bëjë betimin.

Kryeministri dhe kreu i opozitës pritet të takohen nesër për të përzgjedhur emrin e kryeministrin e qeverisë kalimtare, i cili do të shërbejë deri në zgjedhjet që priten të mbahen më vonë gjatë këtij viti.

Zgjedhjet duhet të mbahen brenda 90 ditëve nga shpërndarja, megjithatë, në rrethanat e dhëna, veçanërisht pas miratimit të rezultateve të reja të regjistrimit të shpallura muajin e kaluar, duket e pamundur të mbahen zgjedhjet brenda këtyre afateve.

Komisioni Zgjedhor i Pakistanit kërkoi të paktën katër muaj për caktimin e zgjedhjeve të reja në përputhje me rezultatet e fundit të regjistrimit, të cilat mund të shtyjnë datën e zgjedhjeve në vitin e ardhshëm.

Duke parë mundësinë për një vonesë evidente, Senati miratoi një rezolutë që i kërkon organit më të lartë elektoral të vendit të zhvillojë zgjedhje të përgjithshme brenda kohës së përcaktuar në Kushtetutë.

Rezoluta, e propozuar nga senatori Mushtaq Ahmad Khan i partisë Jamaat-e-Islami, u kërkon gjithashtu të gjitha institucioneve shtetërore të ndihmojnë në çdo mënyrë të mundshme organin elektoral në mbajtjen e zgjedhjeve.

Related posts

Zelensky: Nuk do t’i tolerojmë kurrë pushtuesit

rezart morina

Donald Trump: Shtetet e Bashkuara nuk do të largohen nga NATO nëse vendet e tjera luajnë pa hile  

admin

Erdoğan me rastin e 22-vjetorit të themelimit të AK Partisë: Askush nuk mund të përçajë Turqinë

admin