Drejtori i Komunikimeve i Turqisë, Burhanettin Duran, ka bërë të ditur se presidenti i Ukrainës, Volodymyr Zelenskyy, gjatë ditës së sotme do të zhvillojë një vizitë pune në Turqi, transmeton Anadolu.
“Gjatë takimeve që do të mbahen në Stamboll, pritet që diskutimet të përfshijnë çështje të agjendës sonë dypalëshe me Ukrainën dhe zhvillimet rajonale, si dhe përpjekjet për vendosjen e një armëpushimi dhe arritjen e një zgjidhjeje të qëndrueshme, me fokus të veçantë në Procesin e Stamboll”, shkroi Duran në platformën sociale turke NSosyal.
