RTV AHIRETI
LajmeRajon dhe Botë

Princi i kurorës saudit e çon presidentin turk Erdogan për në banesë

princi-i-kurores-saudit-e-con-presidentin-turk-erdogan-per-ne-banese

Princi i kurorës saudit Mohammed bin Salman (MBS) e çoi presidentin turk Rexhep Tajip Erdogan në rezidencën e këtij të fundit pas përfundimit të bisedimeve zyrtare që u mbajtën në Pallatin al-Salam në Jeddah të hënën, tha Agjencia Saudite e Shtypit (SPA).

Pamjet video treguan dy liderët duke dalë nga pallati para se të niseshin në makinë, me Princin e Kurorës duke vozitur dhe Erdoganin në ulësen e pasagjerit.

SPA shtoi se Erdogani u dhuroi mbretit saudit Salman dhe princit të kurorës dy makina elektrike të prodhimit turk si dhuratë.

Erdogan mbërriti në Jeddah për një vizitë zyrtare si pjesë e turneut të Gjirit që do të përfshijë Katarin dhe Emiratet e Bashkuara Arabe.

MBS dhe Erdogan zhvilluan bisedime zyrtare që trajtuan lidhjet dypalëshe midis të dy vendeve. Gjatë bisedimeve, liderët mbikëqyrën nënshkrimin e disa marrëveshjeve dypalëshe që mbulojnë sektorë të ndryshëm duke përfshirë energjinë, mbrojtjen dhe investimet.

Të dy palët nënshkruan memorandume mirëkuptimi për bashkëpunim në fushën e energjisë; industritë e mbrojtjes, kërkim zhvillim; investimet direkte dhe mediat, përveç tjerash Arabia Saudite nënshkroi dy kontrata me kompaninë turke të mbrojtjes Baykar, njoftoi Agjencia Saudite e Shtypit (SPA).

Related posts

Prokurorët të frikësuar se Andrew Tate dhe vëllai i tij mund të arratisen

admin

“France 24” fton pushuesit të vizitojnë Shqipërinë

admin

UNICEF-i thirrje Izraelit t’i japë fund dhunës në Jenin ku vdesin edhe fëmijë

rezart morina