Dhjetëra mijëra izraelitë mbushën rrugët e qyteteve anembanë vendit të dielën në mbrëmje, në një shfaqje spontane indinjate pasi kryeministri Benjamin Netanjahu shkarkoi befasisht ministrin e tij të mbrojtjes pasi ai sfidoi planin e udhëheqësit izraelit për reformën e gjyqësorit.
Protestuesit në Tel Aviv bllokuan një autostradë kryesore dhe ndezën zjarre të mëdha, ndërsa policia u përlesh me protestuesit që u mblodhën para shtëpisë së z. Netanjahu në Jeruzalem dhe në një moment të caktuar thyen kordonin e sigurisë.
Trazirat thelluan një krizë disamujore mbi planin e kryeministrit Netanjahu për të bërë ndryshime të thella në sistemin gjyqësor, gjë që ka shkaktuar protesta masive, ka alarmuar udhëheqësit e biznesit dhe ish-krerët e sigurisë dhe ka ngjallur shqetësime tek Shtetet e Bashkuara dhe aleatët e tjerë të ngushtë.
Shkarkimi i ministrit të Mbrojtjes, Yoav Gallant, sinjalizoi se kryeministri dhe aleatët e tij do të vazhdojnë këtë javë me hapat e planit për ndryshime. Z. Gallant ishte anëtari i parë i lartë i partisë Likud në pushtet që foli kundër reformës, duke thënë se ndasitë e thella po kërcënonin të dobësonin ushtrinë.
Por pasi një mori protestesish vërshuan në rrugët deri në orët e vona të natës, ministrat e partisë Likud filluan të shfaqin gatishmërinë për t’u tërhequr. Ministri i Kulturës Micky Zohar, një person i besuar i z. Netanjahu, tha se partia do ta mbështeste nëse ai vendos të ndalojë ndryshimet në gjyqësor.
Në një deklaratë të shkurtër, zyra e z. Netanjahu tha të dielën vonë se kryeministri kishte shkarkuar z. Gallant. Kryeministri Netanjahu më vonë shkroi në Twitter se “ne të gjithë duhet të qëndrojmë të fortë para kundërshtimit.”
Tel Aviv is rising. Netanyahu is in deep trouble. The war criminal who supported the wars on Iraq, Libya, Syria and pushed for war on Iran will soon get a taste of his own medicine. Where are the western sanctions against Israeli authoritarianism? pic.twitter.com/aVFoBuFc5h
— Hadi Nasrallah (@HadiNasrallah) March 26, 2023
