Një raport parlamentar në Izrael ka zbuluar se qindra ushtarë izraelitë kanë tentuar vetëvrasjen gjatë vitit të kaluar, ndërsa shumica e rasteve përfshijnë trupa që kanë marrë pjesë në luftime.
Sipas raportit, lufta në Gaza dhe përleshjet rajonale kanë shkaktuar rritje të madhe të rasteve me çrregullim të stresit post-traumatik (PTSD) në mesin e forcave izraelite.
Zyrtarët izraelitë paralajmërojnë se kërkesa për trajtim psikologjik dhe mbështetje mendore po tejkalon kapacitetet ekzistuese të sistemit shëndetësor ushtarak.
Raporti thekson se shumë ushtarë po përballen me pasoja të rënda psikologjike pas muajsh të tërë luftimesh dhe ekspozimi ndaj skenave të dhunës në Gaza.
Autoritetet izraelite kanë shprehur shqetësim për përkeqësimin e gjendjes mendore te ushtarët, ndërsa kërkohet zgjerim urgjent i shërbimeve për trajtimin e traumave psikologjike. /mesazhi
