Raportuesja e posaçme e OKB-së për Palestinën, Francesca Albanese deklaroi se Izraeli krijon iluzionin se civilët mbrohen gjatë sulmeve të tij në Rripin e Gazës duke përdorur terma të tillë si “paralajmërime evakuimi” dhe “zonë e sigurt”, transmeton Anadolu.
Izraeli përdorë disa terma në të drejtën ndërkombëtare ndërsa vazhdojnë sulmet e tij në Gaza. Përdorimi i termave teknikë në të drejtën ndërkombëtare nga Izraeli si ‘paralajmërime, urdhra evakuimi, zona të sigurta’ është për të krijuar iluzionin se ofrojnë mbrojtje për civilët në operacionet ushtarake”, shkroi Albanese në platformën sociale X.
Ajo tha se gjenocidi në Gaza duhet të ndalet. “Ky ‘kamuflazh humanitar’ e ka kthyer në mënyrë efektive Gazën në një vend ku ‘nuk ka civilë’, ku gjithçka mund të shkatërrohet dhe të gjithë mund të vriten”, thekson Albanese.
Ushtria izraelite kishte paralajmëruar palestinezët që qëndronin në Jabalia, në lindje të Rafahut dhe në veri të Gazës, të largoheshin nga këto zona. Sipas deklaratës së OKB-së, 20 për qind e popullsisë në Gaza, ku jetojnë rreth 2.3 milionë njerëz, u zhvendos sërish javën e fundit.
