Republika Demokratike e Kongos po përballet me një shpërthim të ri të Ebolës, ndërsa autoritetet shëndetësore po përpiqen të frenojnë përhapjen e sëmundjes në kushte të vështira sigurie dhe ekonomike.
Në qytetin Goma, shkollat u kanë bërë thirrje familjeve të zbatojnë masa parandaluese kundër virusit. Megjithatë, shumë banorë thonë se nuk kanë mundësi të blejnë maska, sapun apo dezinfektues për duar për shkak të papunësisë dhe zhvendosjes së tyre pas marrjes së qytetit nga rebelët e M23 vitin e kaluar.
Ndërkohë, furnizime urgjente mjekësore kanë mbërritur në zonë për të ndihmuar në luftën kundër sëmundjes. Autoritetet shëndetësore dhe Organizata Botërore e Shëndetësisë planifikojnë gjithashtu rihapjen e një qendre trajtimi pranë Gomës.
Zyrtarët shpresojnë se këto masa do të ndihmojnë në kontrollimin e shpërthimit dhe në uljen e numrit të viktimave. /mesazhi
