RTV AHIRETI
LajmeRajon dhe Botë

Ritet në 44 numri i të vrarëve nga sulmi në një tubim publik në Pakistan

ritet-ne-44-numri-i-te-vrareve-nga-sulmi-ne-nje-tubim-publik-ne-pakistan

Është rritur në 44 numri i të vrarëve nga një sulm vetëvrasës me bombë gjatë një tubimi politik në Pakistan të dielën.

Sulmi, në të cilin raportohet se po ashtu u lënduan 200 persona, ndodhi në rrethinën veriperëndimore të Pakistanit, Bajur, pranë kufirit me Afganistanin.

Zyrtarët po njoftonin për mbërritjen e Abdul Rasheed, liderit të partisë islamike Jamiat Ulema, kur bomba shpërtheu duke e shkaktuar njërin prej sulmeve më gjakderdhëse në vitet e fundit në Pakistan.

Autoritetet e kanë bllokuar zonën dhe kanë paralajmëruar se numri i të vdekurve mund të rritet.

Policia në Bajur tha se sulmi u krye nga një person, i cili e shpërtheu jelekun e vet të mbushur me eksplozivë pranë skenës ku ishin ulur disa liderë të lartë të partisë.

Hetimet e para sugjerojnë se grupi Shteti Islamik – i cili vepron në Afganistan dhe është armik i talibanëve afganë – mund të jetë përgjegjës për sulmin, sipas policisë lokale.

“Kishte pluhur dhe tym përreth, unë isha nën disa persona të lënduar, nga ku mezi u çova në këmbë dhe për cfarë? Për të parë rrëmujë dhe gjymtyrë të prera”, tha Adam Khan, 45 vjeç, i cili ishte rrëzuar në tokë nga shpërthimi që ndodhi të dielën.

Zyrtarët lokalë kanë thënë se lideri rajonal i partisë JUI-F Maulana Ziaullah, është vrarë në shpërthim.

Talibanët e Pakistanit, apo siç njihen TTP, thanë në një komunikatë për Associated Press se sulmi kishte synim t’i nxiste islamikët kundër njëri-tjetrit.

Zabiullah Mujahid, zëdhënës i TTP-së, tha në rrjetin social Twitter se “krimet e tilla nuk mund të arsyetohen në asnjë mënyrë”.

Marrja e pushtetit nga talibanët afganë në Afganistan në gusht të vitit 2021 e i ka dhënë guxim TTP-së. Ky grup i ka dhënë fund në mënyrë të njëanshme marrëveshjes për armëpushim me Qeverinë e Pakistanit në nëntor, dhe që prej atëherë i ka rritur sulmet nëpër këtë vend. /rel

Related posts

Stoltenberg: Ukraina ka të drejtë të sulmojë objektivat brenda Rusisë

admin

Greqi – 44 parti dorëzojnë aplikimin për zgjedhjet e 25 qershorit

rezart morina

BAFTA 2024/ Nga Claudia Winkleman te Frankie Bridge e Alex Scott, kush ishin yjet që shkëlqyen në tapetin e kuq (FOTOLAJM)

admin