Numri i palestinezëve të vrarë nga ofensiva e vazhdueshme ushtarake e Izraelit në Rripin e Gazës që nga 7 tetori 2023 është rritur në 31.184, transmeton Anadolu.
Zëdhënësi i Ministrisë palestineze të Shëndetësisë në Gaza, Ashraf al-Qudra dha informacione për sulmet e Izraelit në Rripin e Gazës. Duke theksuar se forcat izraelite vranë 72 palestinezë në Rripin e Gazës në 24 orët e fundit, Al-Qudra tha se numri i palestinezë të vrarë në Gaza u rrit në 31.184.
Ai tha se forcat izraelite plagosën 129 palestinezë të tjerë në sulmet e fundit dhe numri i përgjithshëm i të plagosurve në Rripin e Gazës arriti në 72.889. Sipas tij, 72 për qind e palestinezëve të vrarë nga ushtria izraelite ishin gra dhe fëmijë ndërsa numri i njerëzve që vdiqën nga uria dhe etja shkoi në 27.
Zëdhënësi i Ministrisë së Shëndetësisë Al-Qudra tha se ende ka të vdekur nën rrënoja dhe përreth rrugëve, por për shkak të pengesës së forcave izraelite, ekipet mjekësore dhe zyrtarët e Mbrojtjes Civile nuk kanë mundur të arrijnë tek trupat.
