Instituti EdGuard ka analizuar rritjen e pagave për mësimdhënësit e arsimit parauniversitar sipas projektligjit të ri për paga.
Sipas analizës, rezulton rritje prej 15% për të gjitha pozitat në arsimin parauniversitar, krahasuar me ligjin paraprak të shfuqizuar nga Gjykata Kushtetuese.
Në analizën e EdGuard paraqitet se drejtorët e shkollave të mesme të larta do të kenë rritje për 74.90 euro, apo 10.81%.
Drejtorët e shkollave fillore dhe të mesme të ulëta 98.70 euro, apo 15.30%.
Drejtorët e institucioneve parashkollore 74.50 euro, ose 12.47%.
Mësimdhënësit e shkollave të mesme të larta 74.50 euro, ose 12.01%.
Mësimdhënësit e shkollave fillore dhe të mesme të ulët me 86.45 euro, ose 14.76%.
Mësimdhënësit në institucione parashkollore me rritje prej 86.25 euro, ose 16.04%.
Pedagogët, psikologët do të marrin rritje prej 134.30 euro apo 24.43% më shumë. /koha