Ministrja e Punëve të Jashtme të Kosovës, Donika Gërvalla, ka thënë se Rusia ka bërë sulm hibrid ndaj Kosovës të martën.
Ajo në një postim në X ka thënë se ky sulm vjen pasi Kosova vendosi të mbështesë me pajisje ushtarake Ukrainën në mbrojtjen e saj ndaj agresionit të Rusisë.
“Rusia po sulmon Kosovën në një sulm hibrid sot, pas njoftimit tonë për mbështetje në pajisje ushtarake për Ukrainën në mbrojtjen e saj të justifikuar kundër agresionit gjenocidal rus. Ne e dimë nga gjenocidi i Serbisë ndaj Kosovës se vetëm mjetet ushtarake e ndalin gjenocidin”, ka shkruar Gërvalla.
