Rusia dhe Ukraina kryen sulme gjatë natës, në një kohë kur zyrtarë nga SHBA-ja dhe Ukraina po punojnë për të rishikuar një plan të propozuar nga Uashingtoni për përfundimin e luftës.
Sulmet pasuan takimet në Gjenevë mes përfaqësuesve amerikanë dhe ukrainas, ku u diskutua i ashtuquajturi plan me 28 pika, të cilin Kievi dhe aleatët evropianë e kanë cilësuar si një listë dëshirash të Kremlinit.
Presidenti Volodymyr Zelenskyy, në fjalimin e tij të mbrëmjes të hënën, tha se bisedimet në Gjenevë tregojnë se “lista e hapave të nevojshëm për t’i dhënë fund luftës mund të bëhet e realizueshme”. Megjithatë, ai shtoi se mbeten “çështje të ndjeshme” që do t’i diskutojë me presidentin amerikan Donald Trump. /mesazhi
