Ministria ruse e Mbrojtjes tha sot se kanë kryer një sulm grupor ndaj objekteve të industrisë ushtarake të Ukrainës mbrëmë, transmeton Anadolu.
Ndërmarrjet e angazhuara në prodhimin dhe riparimin e pajisjeve të blinduara dhe automobilave, dronëve, si dhe aeroportet ushtarake dhe pikat e përkohshme të vendosjes së mercenarëve të huaj janë goditur në sulm, tha ministria në një deklaratë.
“Të gjitha objektet e caktuara janë goditur”, theksohet në të.
Sipas ministrisë, është goditur një numër i pajisjeve ushtarake të prodhuara nga SHBA-ja, duke përfshirë një stacion radar N/TPQ-50 dhe obus vetëlëvizës Paladin dhe obus M777.
Mediat më herët pohuan se Rusia ka goditur bazën ajrore të Ukrainës Starokostiantyniv në rajonin Khmelnytskyi, e përgatitur për të pritur avionë luftarakë amerikanë F-16 që disa vende perëndimore i kanë premtuar t’ia dorëzojnë Ukrainës.
