Dhoma e Përfaqësuesve vazhdon të jetë në ngërç për shkak të mosmarrëveshjeve në mesin e republikanëve lidhur me zgjedhjen e një kryetari të ri.
Kandidati kryesor i tyre, Kevin McCarthy dështoi sërish të enjten, në raundet e reja të votimit që u zhvilluan.
Kjo ishte dita e tretë e përplasjes mes z.McCarthy dhe 20 kolegëve të tij republikanë konservatorë që vazhdojnë të mos e mbështesin atë.
Në votimin e njëmbëdhjetë të zhvilluar të enjten, z.McCarthy nuk arriti të sigurojë votat e nevojshme për t’u zgjedhur kryetar dhe ligjvënësit votuan për të mbyllur punimet e kësaj dite.
Votimi pritet të vazhdojë sot.
Dhoma e Përfaqësuesve e Shteteve të Bashkuara nuk mund të funksionojë dhe anëtarët e rinj nuk e bëjnë dot betimin pa u zgjedhur kryetari. /voa
