Shtetet e Bashkuara dhe Irani kanë rënë dakord të ndalin sulmet dhe të zhvillojnë bisedime në kryeqytetin e Katarit, Doha, të martën, me qëllim zgjidhjen e mosmarrëveshjeve lidhur me Ngushticën e Hormuzit.
Sipas portalit amerikan Axios, marrëveshja është arritur pas përpjekjeve diplomatike për të ulur tensionet në rajon dhe për të shmangur përshkallëzimin e mëtejshëm të konfliktit.
Bisedimet pritet të fokusohen në sigurinë dhe lirinë e lundrimit në Hormuz, një nga rrugët detare më të rëndësishme në botë për transportin e naftës.
Takimi në Doha shihet si një përpjekje e re diplomatike për të shmangur një përballje të drejtpërdrejtë mes SHBA dhe Iranit. /mesazhi
