Sekretari i Mbrojtjes i SHBA-së, Lloyd Austin dhe ministri izraelit i Mbrojtjes, Yoav Gallant, në bisedën e tyre telefonike ranë dakord që “infrastruktura sulmuese e Hezbollahut duhet të shpërbëhet”, transmeton Anadolu.
Sipas deklaratës me shkrim nga Departamenti Amerikan i Mbrojtjes (Pentagon), Austin ka zhvilluar një bisedë telefonike me homologun e tij izraelit Gallant.
Në bisedë Austin dhe Gallant vlerësuan zhvillimet në fushën e sigurisë dhe operacionet e Izraelit.
Austin konfirmoi mbështetjen e SHBA-së për “të drejtën e Izraelit për vetëmbrojtje”.
Të dy zyrtarët ranë dakord gjithashtu se duhet të “çmontohet infrastruktura sulmuese” e Hezbollahut përgjatë kufirit për ta parandaluar atë që të nisë “sulme të stilit të 7 tetorit (2023)” kundër Izraelit.
Austin dhe Gallant diskutuan rëndësinë e kthimit të çështjes në baza diplomatike për të “garantuar sigurinë dhe stabilitetin” në një kohë të shkurtër dhe diskutuan gjithashtu “pasojat serioze” që do të lindnin nëse Irani do të fillonte një sulm të drejtpërdrejtë ndaj Izraelit.
