Maqedonia e Veriut dhe Shqipëria po mbajnë ditë zie në kujtim të atyre që humbën jetën në tërmetet Turqi-Siri.
Kryeministri i Maqedonisë së Veriut Dimitar Kovaçevski tha se “mendimet dhe lutjet e qytetarëve të Maqedonisë së Veriut janë me të afërmit e atyre që humbën jetën” dhe u zotua se do të vazhdojë të ndihmojë të mbijetuarit, “ata që humbën gjithçka”.
Kryeministri shqiptar Edi Rama tha se qeveria e tij po mbante ditë zie “si shenjë dhimbjeje dhe lutjeje për viktimat e tragjedisë së madhe në kufirin turko-sirian” si dhe “një shenjë solidariteti me miken tonë Turqinë”.
Të dy vendet do të ulin flamujt në gjysmështizë, ndërkohë që Rama u bëri thirrje qytetarëve shqiptarë të ndezin qirinj në solidaritet me viktimat. /mesazhi
