Departamenti Amerikan i Shtetit ka premtuar një paketë ndihme humanitare prej 3.6 milionë dollarësh për të ndihmuar Nepalin, pas përmbytjeve shkatërruese që kanë përfshirë vendin.
Sipas zyrtarëve amerikanë, kjo paketë përfshin ndihmë ushqimore urgjente për një periudhë deri në 3 muaj. Nga ky program pritet të përfitojnë deri në 10,000 familje të prekura rëndë nga fatkeqësia natyrore.
Fondet do të përdoren për të siguruar nevojat bazë jetësore dhe për të mbështetur operacionet e rimëkëmbjes në zonat ku përmbytjet kanë shkaktuar dëme të mëdha në infrastrukturë dhe ekonomi. /mesazhi
