SHBA riafirmoi mbështetjen për Filipinet në mbrojtjen e të drejtave të saj sovrane, transmeton Anadolu.
Sekretari amerikan i Mbrojtjes Lloyd Austin dhe Sekretari i Shtetit Antony Blinken u takuan me presidentin e Filipineve Ferdinand Marcos Jr. në kryeqytetin Manila gjatë udhëtimit të tyre në rajon.
“Tre zyrtarët nënvizuan forcën historike të Aleancës SHBA-Filipine, të cilën të dy vendet po e zgjerojnë dhe modernizojnë në mbështetje të një vizioni të përbashkët për një Indo-Paqësor të lirë dhe të hapur”, tha në një deklaratë zyrtarja e Pentagonit, Sabrina Singh.
Ajo shtoi se zyrtarët diskutuan mënyrat për të vazhduar edhe më ngushtë bashkëpunimin me vendet tjera në rajon që kanë vizion të njëjtë, si Australia dhe Japonia, për të forcuar parimet e përbashkëta, duke përfshirë sundimin e ligjit, lirinë e lundrimit dhe respektimin e sovranitetit territorial.
Në takim u riafirmua gjithashtu angazhimi i qëndrueshëm i SHBA-së dhe Filipineve për të qëndruar krah për krah si aleatë për të sjellë siguri, prosperitet dhe stabilitet në rajonin e Indo-Paqësorit.
