SHBA dhe aleatët e saj po përdorin luftën në Ukrainë për të shtyrë vendet e tjera në një konfrontim ushtarak me Rusinë dhe Kinën, tha kështu ministri rus i Mbrojtjes Sergej Shoigu.
“Sot Uashingtoni dhe bashkëpunëtorët e tij po zbatojnë planin e tyre strategjik që synon të provokojë vendet e tjera për t’u përfshirë në një konfrontim ushtarak me shtetet “armike”, kryesisht Rusinë dhe Kinën.
“Një konfirmim i qartë i kësaj politike kriminale është konflikti në Ukrainë, qëllimi i vërtetë i së cilës është t’i shkaktojë Rusisë një disfatë strategjike, të kërcënojë Kinën dhe të ruajë pozicionin monopol në botë“, tha Shoigu në një takim të ministrave të mbrojtjes të vendeve anëtare të Organizatës për Bashkëpunimin e Shangait në Nju Delhi. /abcnews
