RTV AHIRETI
LajmeRajon dhe Botë

Sindikata: Shpenzimet e jetesës do të rriten edhe në shkurt

sindikata:-shpenzimet-e-jeteses-do-te-rriten-edhe-ne-shkurt

Presim që shporta e konsumatorit të rritet edhe këtë muaj, përkundër masave të qeverisë për ngrirjen e çmimeve, tha kryetari i Lidhjes së Sindikatave të Maqedonisë, Sllobodan Trendafilov.

Në një intervistë për Radion Evropa e Lirë, ai po ashtu thotë se janë propozuar një sërë ligjesh që parashikojnë uljen e pagave të punëtorëve dhe se po planifikojnë protesta nëse miratohen ligjet.

I pyetur nëse do të vazhdojnë me protesta edhe gjatë këtij viti, njëjtë si vitin e kaluar, Trendafillov thotë se ata do të vazhdojnë që ti kërkojnë të drejtat e tyre në të gjitha format demokratike.

“Atë që kemi bërë gjatë gjithë vitit të kaluar dhe në fund të vitit të kaluar, kemi vazhduar ta bëjmë që nga fillimi i këtij viti me kolegët tanë nga Fondi I Sigurimeve shëndetësore. Pakënaqësia e punëtorëve dhe pritshmëritë janë që të mos miratohen këto ligje që do të ndikojnë në të ardhurat e tyre personale dhe pagën e tyre. Nëse kjo ndodh, punëtorët janë të gatshëm që edhe gjatë procesit zgjedhor, meqë tashmë kemi një Qeveri teknike, të shprehin pakënaqësinë e tyre në rrugë nëse është e nevojshme”.

Ai ka shprehur shqetësimin për të ardhmen e punëtorëve, duke theksuar se një ulje prej 21% në pagat është e papranueshme. Në këtë kontekst, ai ka akuzuar autoritetet për krijimin e kësaj situate dhe ka kërkuar që Bordi Drejtuese të marrë një vendim të arsyeshëm për të shmangur ndikimin negativ në funksionimin e Fondit të Sigurimeve Shëndetësore. /shenja

Related posts

Vizitë e paparalajmëruar, shefi i mbrojtjes amerikane takohet me Zelenskyyn

rezart morina

​Telashe në procesin e regjistrimit të popullsisë

rezart morina

Ministria njofton se është kthyer furnizimi i rregullt me energji elektrike

admin