Organizata terroriste PKK/YPG vendos në objektiv dhe detyron civilët në rajon të migrojnë, pas konflikteve që filluan më 27 gusht mes organizatës dhe fiseve arabe nën presionin e organizatës terroriste PKK/YPG në qytetin Deir Ez-Zor në lindje të Sirisë, raporton Anadolu.
Sipas informacioneve të marra nga burimet lokale, PKK/YPG po vendos në objektiv me armë të rënda arabët që jetojnë në periferinë lindore dhe juglindore të Deri Ez-Zorit që ndodhen në qendër të konflikteve që filluan më 27 gusht.
Organizata terroriste detyron civilët të migrojnë duke sulmuar me armë tokë-tokë vendbanimet në fshatrat Gharanij, Suwaydan, Al Tayanah, Ziyben dhe Hawayij të cilat i humbën pas përleshjeve në Deir ez-Zor.
Qindra familje janë larguar nga sulmet e organizatës dhe janë strehuar në fshatrat të cilat janë disi më të sigurta dhe pa konflikte që janë nën kontrollin e fiseve arabe.
Fiset arabe që janë nën presionin e PKK-/YPG-së, më 27 gusht filluan kundër operacione ndaj organizatës terroriste në qytetet Deir ez-Zor, Rakka, Al-Hasakah si dhe në periferinë e qytezës Munbixh të Halepit dhe që nga ajo kohë kanë çliruar nga pushtimi i PKK/YPG-së gjithsej 33 fshatra.
Pushtimi i PKK/YPG-së në Deir ez-Zor
Popullata në Deir ez-Zor të cilin organizata e ka vendosur nën kontrollin e saj me mbështetjen e ushtrisë së SHBA-së me arsyetimin për “luftën kundër DEASH-it”, përbëhet plotësisht nga arabët.
Organizata terroriste në rajonet që ka nën pushtimin e saj rekruton me forcë fëmijët arabë.
Po ashtu organizata nga nafta që siguron nga puset e naftës që ka konfiskuar në rajon gjeneron të ardhura duke ia shitur përmes trafikantëve administratës së Damaskut, pavarësisht sanksioneve të SHBA-së. Teksa të ardhurat e siguruara ajo i përdor për aktivitetet e saj, popullata e rajonit privohet nga shërbimet dhe ndihmat lokale.
