Pavarësisht situatës delikate politike javët e fundit midis Athinës zyrtare dhe Tiranës, kryeministri Edi Rama ka bërë një reagim lidhur me situatën e zjarreve në Greqi. Kreu i qeverisë shprehet se është e trishtueshme që të shikosh vendin fqinj që ‘lufton’ me zjarret ndërsa shpreh solidaritet për situatën atje.
“Është shumë e trishtueshme të shikosh vendin tonë të bukur fqinj që vuan vazhdimisht nga zjarret, ndërsa populli i guximshëm grek dhe të gjithë ata në uniformë që luftojnë kundër shkatërrimeve të tilla meritojnë solidaritetin tonë të plotë dhe admirimin e thellë.”, ka shkruar Rama në rrjete sociale.