Një stuhi e madhe ka ndodhur të martën në Mal të Zi.
Në pamjet e publikuara nga mediumi “TV Teuta” shihen lisa të rrëzuara përtokë, derisa edhe komunikacioni është vështirësuar.
Pamje e rëndë është parë edhe pranë plazhit në Ulqin.
REL-i ka shkruar se si pasojë e stuhisë kanë humbur jetën dy persona. Erëra të forta janë raportuar edhe në Trebinje, qytet në jug të Bosnjë-Hercegovinës.
Zjarrfikësit dhe ekipet e mbrojtjes kanë dalë në terren.
Ndërkohë, stuhi është paralajmëruar edhe në Kosovë. Instituti Hidrometeorologjik i Kosovës (IHMK) ka rekomanduar që të mos dilet në natyrë.
