RTV AHIRETI
FeaturedKosovëLajmeLajmet

Sveçla: Arrestohet një nga organizatorët e sulmeve ndaj pjesëtarëve të KFOR-it

svecla:-arrestohet-nje-nga-organizatoret-e-sulmeve-ndaj-pjesetareve-te-kfor-it

Ministri i Punëve të Brendshme Xhelal Sveçla ka njoftuar se sot Policia e Kosovës ka arrestuar Milun Milenkovic- Llune, një nga udhëheqësit e formacionit kriminal “Mbrojtja Civile” dhe prijësin e bandave kriminale në veri të vendit.

Sipas tij, i njëjti ka qenë edhe organizatori kryesor i sulmeve ndaj forcave të KFOR-it dhe Policisë së Kosovës në Zveçan.

“Policia e Kosovës sot ka arrestuar Milun Milenkovic- Llune, një nga udhëheqësit e formacionit kriminal “Mbrojtja Civile” dhe prijësin e bandave kriminale që ndër vite kanë terrorizuar qytetarët tanë, kanë sulmuar pjesëtarët e Policisë së Kosovës dhe institucionet e Republikës së Kosovës. I njejti ka qenë edhe organizatori kryesor i sulmeve ndaj forcave të KFOR-it dhe Policisë së Kosovës në Zveçan”, ka thënë Sveçla.

Teksa ka theksuar se gjatë arrestimit të tij, janë sulmuar zyrtarët e Policisë së Kosovës me ç’rast tre nga ta janë të lënduar lehtë.

“Siç edhe e kam theksuar në vazhdimësi, koha e bandave kriminale në veriun e vendit tonë ka përfunduar. Të gjithë individët apo grupet kriminale që kanë cënuar sigurinë dhe rendin kushtetues të Republikës së Kosovës, do të përballen me drejtësinë”, tha tutje ai./

Related posts

Osmani në takim me Emirin e Katarit flet për trajtimin e invalidëve të luftës të UÇK-së

admin6

Arrestohet 55 vjeçarja nga Shkupi, ka raportuar rrejshëm për bomba të vendosura nëpër shkolla

admin

KMDLNj: Përgjegjësia para ligjit e njëjtë për të gjithë, jo përgjegjësi selektive

rezart morina