RTV AHIRETI
FeaturedKosovëLajmeLajmet

Sveçla kërkon hetim për zyrtarin e MPB-së që shfrytëzon parkingun e ministrisë për biznes

svecla-kerkon-hetim-per-zyrtarin-e-mpb-se-qe-shfrytezon-parkingun-e-ministrise-per-biznes

Ministri i Punëve të Brendshme, Xhelal Sveçla, tha se ka kërkuar hetim ndaj zyrtarit të kësaj ministrie, Riza Alshiqi, që shfrytëzon parkingun e pronës së këtij institucioni për vetura me qira.

Sveçla shkroi në Facebook të dielën se do të iniciojë auditim të jashtëzakonshëm për shfrytëzimin e këtij parkingu, derisa tha se edhe Komisioni Disiplinor i MPB-së duhet të angazhohet për t’i identifikuar shkeljet.

“Si Ministri e Punëve të Brendshme, por edhe si Qeveri, jemi angazhuar maksimalisht që të gjithë shërbyesit civilë të jenë në nivelin më të lartë të detyrës, por edhe ndaj të gjithë keqpërdoruesve të detyrës zyrtare kemi vepruar pa asnjë mëdyshje. Mbi 300 zyrtarë publikë janë arrestuar nga Policia e Kosovës për mënyra të ndryshme të keqpërdorimit të detyrës zyrtare”, thuhet në statusin e ministrit Sveçla.

Betimi për Drejtësi publikoi hulumtimin të shtunën ku shfaqi Alshiqin, zyrtar i lartë për monitorimin e transportit, që krahas punës në ministri, si punë sekondare bën biznesin me dhënie të veturave me qira. Për këtë, ai po e shfrytëzon pronën e shtetit.

Related posts

Ministrat e rajonit mblidhen për mëngjes në Slloveni, aty është edhe Donika Gërvalla

rezart morina

Forcat turke neutralizojnë 29 terroristë të PKK/YPG-së në veri të Sirisë

admin

Zyrtari korrektues dënohet me 2 vjet burgim dhe 1 mijë euro gjobë për marrje ryshfeti

admin6