RTV AHIRETI
LajmeRajon dhe Botë

Talebanët hedhin poshtë raportin e OKB-së për trafikimin e drogës në Afganistan

talebanet-hedhin-poshte-raportin-e-okb-se-per-trafikimin-e-droges-ne-afganistan

Administrata e përkohshme afgane hodhi poshtë raportin e Kombeve të Bashkuara (OKB) për trafikimin e drogës në Afganistan dhe tha se talebanët e kishin ndaluar plotësisht drogën në vendin e shkatërruar nga lufta, raporton Anadolu.

Zëdhënësi i talebanëve, Zabihullah Mujahid tha se ata refuzojnë plotësisht raportin e Zyrës së OKB-së për Drogën dhe Krimin (UNODC) sepse Afganistani e kishte eliminuar plotësisht këtë çështje.

“Qeveria jonë ka ndërmarrë hapa shumë të rëndësishëm për eliminimin e drogës në Afganistan, përfshirë ndalimin e kultivimit, tregtisë dhe kontrabandës së drogës në të gjithë vendin”, tha Mujahid në një deklaratë dërguar Anadolu.

UNODC në raportin e saj të fundit tha se që kur talebanët morën Afganistanin në vitin 2021, trafikimi i heroinës ka vazhduar me një normë të reduktuar ndërsa trafikimi i metamfetaminës është rritur.

“Trafikimi i metamfetaminës po rritet me një ritëm mahnitës. Në të gjithë Afganistanin dhe vendet fqinje, ka patur rritje pothuajse dymbëdhjetëfish të konfiskimeve, nga 2.5 tonë në 2017 në 29.7 tonë në vitin 2021”, tha UNODC.

Konfiskimet në Afganistan nga viti 2019 në 2021 u rritën nga më pak se 100 në pothuajse 2.700 kilogramë, shtoi ai.

Related posts

Gjykatat nga sot vazhdojnë punën me kapacitete të plota

admin

OKB: Bota të përgatitet për El Ninjon dhe temperatura të reja rekorde

rezart morina

Abortoi foshnjën në Podujevë, caktohet një muaj paraburgim ndaj të dyshuarës

admin