RTV AHIRETI
LajmeRajon dhe Botë

‘Tani janë 117 shtete që e njohin’/ Premtimi i Erdogan për Kosovën: Do të punojmë fort që të arrijmë shifrën që është si objektiv

‘tani-jane-117-shtete-qe-e-njohin’/-premtimi-i-erdogan-per-kosoven:-do-te-punojme-fort-qe-te-arrijme-shifren-qe-eshte-si-objektiv

Erdogan ka shprehur gjithashtu vullnetin e tij që Kosovës t’i ndihmojë edhe në përpjekjet e saj për anëtarësim në NATO, Këshill të Evropës dhe Bashkim Evropian.

Presidenti Rexhep Taip Erdogan gjatë konferencës së përbashkët për media me kryeministrin e Kosovës, Albin Kurti në Stamboll u shpreh se Turqia do të angazhohet që Kosova të arrijë më shumë njohje. Ai gjithashtu shtoi se Turqia ishte një prej vendeve të para që e kishte njohur pavarësinë e Kosovës si dhe ka uruar Kosovën në prag të 15-vjetorit të saj.

“Tani janë 117 shtete që e njohin. Ne do të bëjmë punë intensive që të arrijmë shifrën që është si objektiv sa i përket njohjeve. Dua t’iu uroj 15-vjetorin e Pavarësisë që tani”, ka thënë Erdogan.

Erdogan ka shprehur gjithashtu vullnetin e tij që Kosovës t’i ndihmojë edhe në përpjekjet e saj për anëtarësim në NATO, Këshill të Evropës dhe Bashkim Evropian.

“Ne po vazhdojmë përpjekjet tona që Kosova ta arrijë pozicionin e merituar në arenën ndërkombëtare . Ne mbështesim vizionin e Kosovës për anëtarësim në NATO, Këshillin e Evropës dhe Bashkimit Evropian”, ka thënë ai.

Po ashtu, Kurti falenderoi presidentin Erdogan për përkrahjen e zëshme të Turqisë për anëtarësimin e Kosovës në NATO dhe në Këshill të Evropës. Ndër të tjera, ai tha se Turqia ishte një nga partnerët kryesor ekonomik dhe tregtar i Kosovës. /dosja

Related posts

Kurti kërkon zbatim sa më të shpejt të marrëveshjes së Ohrit

rezart morina

Kurti deklarohet për takimin e radhës me Vuçiq: Shumë optimist se marrëveshja mund të ndodhë këtë vit

admin

Të gjitha vendimet që mori qeveria në mbledhjen e sotme

rezart morina