Sipas një studimi ndëshkimi i fëmijëve duke u bërtitur rregullisht ose izolimi i tyre, rrit rrezikun e zhvillimit të problemeve të qëndrueshme të shëndetit mendor me gati 50 për qind.
Studiuesit studiuan shëndetin mendor të më shumë se 7,500 fëmijëve irlandezë në moshën tre, pesë dhe nëntë vjeç, duke kërkuar shenja ankthi, tërheqjeje sociale, impulsiviteti, agresioni dhe hiperaktiviteti.
Ata zbuluan se shenjat e problemeve mendore ishin më të shpeshta tek të rinjtë që ishin ekspozuar ndaj “prindërimit armiqësor” në moshën tre vjeçare.
Studimi tregoi se deri në moshën nëntë vjeç, një në 10 fëmijët ishte në kategorinë e rrezikut të lartë për probleme të shëndetit mendor, me ata që kishin duruar prindër të ashpër, 47 për qind më shumë gjasa të bien në atë grup.
Disiplinë e ashpër ‘e vështirë për t’u justifikuar’
“Nuk po sugjerojmë për asnjë moment që prindërit të mos vendosin kufij të fortë për sjelljen e fëmijëve të tyre, por është e vështirë të justifikohet disiplina e ashpër dhe e shpeshtë, duke pasur parasysh implikimet për shëndetin mendor.
Fakti që një në 10 fëmijë ishte në kategorinë e rrezikut të lartë për probleme të shëndetit mendor është një shqetësim dhe ne duhet të jemi të vetëdijshëm për rolin që mund të luajë prindërimi në këtë.
Gjetjet tona nënvizojnë rëndësinë e të bërit gjithçka që është e mundur për të siguruar që prindërit të mbështeten për t’u dhënë fëmijëve të tyre një edukim të ngrohtë dhe pozitiv, veçanërisht nëse rrethanat më të gjera i vënë ata fëmijë në rrezik të rezultateve të dobëta të shëndetit mendor ” pohojnë ekspertët.
