RTV AHIRETI
LajmeRajon dhe Botë

Tensione në protestën para Bashkisë së Tiranës

tensione-ne-protesten-para-bashkise-se-tiranes

Në Shqipëri është organizuar një tjetër protestë për të “denoncuar rastet e korrupsionit në Bashkinë e Tiranës”, ndërkohë protesta është shoqëruar përsëri me tensione, raporton Anadolu.

Protesta është organizuar me thirrjen e përfaqësuesve të partive opozitare, Partisë Demokratike të Shqipërisë dhe Partisë së Lirisë, si dhe aktivistëve të shoqërisë civile, para selisë së Bashkisë së Tiranës.

Protesta u shoqërua nga tensionet dhe përplasjet me policinë, pasi protestuesit hodhën molotovë, tymuese dhe sende të tjera ndaj selisë së bashkisë.
Gjatë momenteve të tensioneve u shkaktua edhe zjarr në hyrje të godinës së Bashkisë së Tiranës.

Protestuesit kërkojnë dorëheqjen e kryebashkiakut të Tiranës, Erion Veliaj, ndërkohë pjesë e protestës ishin edhe përfaqësues të partive opozitare.

Protestat e fundit organizohen pas arrestimit në fund të muajit mars të këtij viti të disa ish-zyrtarëve të Bashkisë së Tiranës, të akuzuar për veprat penale “Korrupsioni pasiv i personave që ushtrojnë funksione publike” dhe “Refuzimi për deklarimin, mos deklarimi, fshehja ose deklarimi i rreme i pasurive”.

Organizatorët e protestës së sotme kanë paralajmëruar vijimin e protestave para Bashkisë së Tiranës.

Ndërkohë, për shkak të protestës mbledhja e Këshillit Bashkiak të Tiranës e planifikuar të mbahej sot brenda ambienteve të bashkisë u zhvillua online.

Related posts

Ish-kryeministri Hamdok: Kriza e Sudanit rrezikon të bëhet një makth për botën

admin

Sulmi në kampin e refugjatëve në Rafah ku vdiqën gra e fëmijë, SHBA: Izraeli nuk e ka kaluar vijën e kuqe

admin

Ushtarët izraelitë arrestojnë 15 palestinezë në Bregun Perëndimor

admin