Ushtrimet si ngritja e peshave, shpesh nënvlerësohen krahasuar me aktivitetet aerobike si ecja apo vrapi, por hulumtimet e fundit tregojnë se ato janë thelbësore për shëndetin e grave nga mosha 40 e lart.
Këto ushtrime ndihmojnë në ruajtjen e masës muskulare, e cila natyrshëm fillon të ulet me moshën, një proces që quhet sarcopenia. Pa forcë të mjaftueshme muskulare, jo vetëm që trupi bëhet më i dobët, por rritet edhe rreziku i dëmtimeve, rënieve dhe problemeve me shëndetin e kockave dhe metabolizmin.
Në fakt, studime të ndryshme kanë treguar se gratë që ushtrojnë forcë rregullisht përfitojnë nga:
Rritja e densitetit të kockave, duke ndihmuar në parandalimin e osteoporozës që rritet pas menopauzës;
Ulja e rrezikut të sëmundjeve kronike, si sëmundjet e zemrës, diabeti apo mbipesha;
Përmirësim i metabolizmit dhe kontrolli i peshës;
Përfitime për tru dhe shëndet mendor, duke përfshirë kujtesën dhe humorin;
Rritje e vetëbesimit dhe funksionit në jetën e përditshme, si ngritja e peshave apo lëvizja pa dhimbje.
Ekspertët rekomandojnë që gratë në moshë të mesme të përfshijnë ushtrime me pesh; të paktën dy deri tri herë në javë si pjesë të rutinës së tyre.
