Së paku 129 persona kanë vdekur në një ndeshje futbolli në Indonezi, si pasojë e trazirave mes tifozëve, raporton agjencia AP të dielën.
Përleshjet kishin nisur mes grupeve të tifozëve brenda stadiumit “Kanjuruhan” në qytetin Malang, pas ndeshjes së Premier Leagues së Indonezisë mes Persebaya Surabayas dhe Arema Malangut. Ndeshja përfundoi 3:2 për Persebayan.
Dhuna nisi pak pas përfundimit të ndeshjes të së shtunës mbrëma, ky tifozët u futën në fushë brenda. Policia pëdori gazlotsjellës, që shkaktoi panik mesin e tifozëve, ka thënë shefi i Policisë së Javas Lindore, Nico Afinta.
Qindra tifozë vrapuan drejt portës për ta evituar gazin lotsjellës. Në kaos disa vdiqën nga asfiksia dhe të tjerët u shtypën. 34 persona vdiqën menjëherë në stadium.
Ndërsa më tepër se 300 u dërguan në spitale për t’u trajtuar, por shumë prej tyre vdiqën gjatë trajtimit, ka thënë Afinta.
Raportohet për 129 të vdekur, prej tyre dy policë, dhe afro 180 të lënduar. Mirëpo, Afinta ka thënë se shifra e të vdekurve mund të rritet edhe më tej, pasi nga 180 të lënduar, disa janë në gjendje të rëndë. /koha
127 have died in a riot at a football stadium in Malang Indonesia, hundreds injured, It all started after Arema lost to Persebaya 2-3#news #BreakingNews #Newsnight #NewsUpdate #NewsBreak #soccer #Indonesia #malang#AremavsPersebaya#arema #Kanjuruhan #football #wtf2022 pic.twitter.com/1ZQFQsbs1r
— That Guy Shane (@ProfanityNewz) October 2, 2022
