Presidenti i SHBA-së, Donald Trump, deklaroi se Irani mund të kontaktojë Shtetet e Bashkuara nëse dëshiron të negociojë për t’i dhënë fund konfliktit mes dy vendeve.
“Nëse duan të flasin, mund të vijnë tek ne ose të na telefonojnë. Kemi linja të sigurta komunikimi,” tha Trump gjatë një interviste për Fox News.
Ndërkohë, përpjekjet për arritjen e një marrëveshjeje paqeje kanë hasur vështirësi. Trump anuloi një vizitë të dërguarve të tij, Steve Witkoff dhe Jared Kushner, në Pakistan, duke krijuar një tjetër pengesë në procesin diplomatik.
Nga ana tjetër, ministri i Jashtëm i Iranit, Abbas Araghchi, zhvilloi takime vetëm me zyrtarë pakistanezë në Islamabad dhe më pas u rikthye sërish në Pakistan, në mungesë të përfaqësuesve amerikanë.
Tensionet mes SHBA-së dhe Iranit vazhdojnë, ndërsa bisedimet për një armëpushim mbeten të bllokuara. /mesazhi
