Shefi i Grupit Wagner të Rusisë ka akuzuar një njësi ushtarake ruse për arratisje nga pozicionet pranë Bakhmutit në Ukrainën lindore, në sulmin e tij të fundit të ashpër kundër udhëheqjes ushtarake të Moskës.
“Sot po bëhet gjithçka që vija e frontit të shembet. Sot, një nga njësitë e ministrisë së mbrojtjes u largua nga një nga krahët tanë, duke braktisur pozicionet e tyre. Të gjithë ikën”, tha Yevgeny Prigozhin, i cili më parë kishte kërcënuar se do të tërhiqte luftëtarët e tij nga Bakhmut më 10 maj, nëse nuk merr municionin e nevojshëm.
Në një video të publikuar në Telegram të martën, Prigozhin tha se trupat po iknin për shkak të “marrëzive” të komandantëve të ushtrisë ruse.
“Një ushtar nuk duhet të vdesë për shkak të marrëzisë absolute të udhëheqësve të tij,” tha ai. Komandat që ata marrin nga lart janë absolutisht kriminale.
Ministria ruse e mbrojtjes tha në një deklaratë më vonë gjatë ditës se “trupat sulmuese” – duke iu referuar njësisë Wagner – po “vazhdonin të luftonin në pjesën perëndimore” të Bakhmutit.
Ministria tha se parashutistët rusë “siguruan ndihmë”, por nuk përmendi akuzën e Prigozhin për braktisjen e posteve të ushtarëve. /mesazhi
El jefe del Grupo Wagner, Yevgueni Prigozhin, aseguró que los generales rusos están engañando a Vladimir Putin, respecto a la guerra en Ucrania. #TVVNoticias #Mundo pic.twitter.com/d3Q5dXxLMt
— TVV Noticias (@TVVnoticias) May 10, 2023
