RTV AHIRETI
LajmeRajon dhe Botë

Turqi, qyteti Malatya brenda një minute tronditet nga dy tërmete 4.8 dhe 4.5 ballë

turqi,-qyteti-malatya-brenda-nje-minute-tronditet-nga-dy-termete-48-dhe-4.5-balle

Dy tërmete me magnitudë 4.8 ballë dhe 4.5 ballë u regjistruan sot në rajonin Yeşilyurt të Malatya-s në Turqi, raporton Anadolu.

Sipas informacionit në faqen e internetit të Agjencisë për Menaxhimin e Fatkeqësive dhe Emergjencave (AFAD) të Turqisë, thuhet se në orën 16:39 u regjistrua tërmeti 4.8 ballë, epiqendra e të cilit ishte në rajonin Yeşilyurt të Malatya-s.

Theksohet se tërmeti ishte në një thellësi prej 6.35 kilometra. Ndërsa në orën 16:40 në po të njëjtin vend u regjistrua një tërmet tjetër 4.5 ballë. Ky tërmet ishte në një thellësi prej 7 kilometrash.

Pas lëkundjes disa qytetarë në Malatya dolën në rrugë nga shtëpitë dhe bizneset e tyre. Ndërsa vazhdon pritja e qytetarëve në zona të hapura. Bëhet e ditur se tërmeti krahas qytetit Malatya, është ndier edhe në qytetet e tjera përreth si Adıyaman, Şanlıurfa, Gaziantep dhe Kahramanmaraş.

Guvernatori i qyteti Malatya, Hulusi Şahin në deklaratën për AA tha se i shprehin të shkuara popullatës së rajonit. “Nuk ka asgjë negative. Fatmirësisht, nuk bëhet fjalë për shembje të ndonjë ndërtese të lartë dhe as për hedhje nga lartësitë. Ka vetëm disa denoncime me ankesa ankthi për shkak të frikës. Aktualisht po vazhdojnë ende skanimet në zonë dhe deri më tani nuk kemi asgjë negative”, tha Şahin.

Related posts

Putin dhe al-Assad diskutojnë marrëdhëniet ekonomike dhe pasojat e tërmetit – VIDEO

rezart morina

Vuçiqi fajëson Kurtin dhe ndërkombëtarët “dyfytyrësh” për tensionet në veri – VIDEO

admin

Republika Sërpska propozoi “ndarje paqësore” nga Bosnja e Hercegovinës, reagojnë ashpër SHBA-ja, BE-ja dhe Britania: E pamundur

admin