RTV AHIRETI
LajmeRajon dhe Botë

Twitter rikthen llogarinë e ish-presidentit amerikan Donald Trump

twitter-rikthen-llogarine-e-ish-presidentit-amerikan-donald-trump

Kompania e mediave sociale Twitter ka rikthyer llogarinë e ish-presidentit amerikan Donald Trump, deklaroi pronari i ri i kompanisë Elon Musk.

Musk mbajti një sondazh në platformën e mediave sociale, duke pyetur përdoruesit nëse llogaria e Trump duhet të rikthehet.

Rreth 15 milionë përdorues u përgjigjën, me 51.8% që votuan po.

“Populli ka folur. Trump do të rikthehet. ”Vox Populi, Vox Dei,” shkroi Musk në Twitter, duke përdorur një frazë latine që do të thotë “zëri i popullit, zëri i Zotit”.

Është e paqartë nëse Trump do të fillojë të përdorë përsëri Twitter, pasi ka krijuar platformën e tij të quajtur Truth Social.

“Votoni tani me pozitivitet, por mos u shqetësoni, ne nuk do të shkojmë askund. Truth Social është i veçantë!”, postoi Trump në Truth Social ndërsa sondazhi i Musk ishte drejtpërdrejt.

Trump u pezullua nga Twitter në janar 2021, dy ditë pasi rebelët pro-Trump sulmuan Kapitolin e SHBA, duke ndërprerë një seancë të përbashkët të Kongresit dhe duke vrarë pesë persona.

Të martën, ai nisi një projekt politik për të rimarrë Shtëpinë e Bardhë në 2024. /atsh

Related posts

Katër të vdekur nga COVID-19 të shtunën në Kosovë

admin

Ushtria izraelite sulmon Libanin jugor pasi pretendoi se kishte rrëzuar 2 ‘objektiva të dyshimta ajrore’

admin

Grupi i parë i haxhilerëve mbërrin në Arabinë Saudite

admin