Prokuroria ua ka caktuar masën e paraburgimit gjashtë anëtarëve të Partisë Socialdemokrate, të cilët u arrestuan sot gjatë protestës ndaj kryetares së Gjykatës Speciale, Ekaterina Trëndafilova.
PSD-ja në një postim në Facebook ka shkruar se ajo u izolua që Trendafilovës t’i bëhet vizita sa më normale, duke theksuar se lufta e saj për imazh, është e humbur.
“Prokuroria ka vendosur që kryetarit të PSD-së, Dardan Molliqaj, Zgjim Hysenit, Nol Nushit, Agron Kabashit, Korab Korçës dhe Gent Brahimit t’iu jepet masa e ndalimit për 48 orë. Për ne ky vendim është politik dhe i padrejtë. Kështu po provohet ta ndalin zërin opozitar, ta relativizojnë padrejtësinë e Gjykatës Speciale”, thuhet në postim.