RTV AHIRETI
LajmeRajon dhe Botë

Ukraina akuza ndaj udhëheqësit të Kishës Ortodokse, Pavel Lebed: Po mban qëndrim pro-rus

ukraina-akuza-ndaj-udheheqesit-te-kishes-ortodokse,-pavel-lebed:-po-mban-qendrim-pro-rus

Prokurorët e Kievit thonë se ai dyshohet për nxitje të urrejtjes kombëtare dhe fetare.

Hetuesit ukrainas po kontrollojnë shtëpinë e një udhëheqësi të kishës ortodokse në Kiev, i akuzuar për justifikimin e agresionit të armatosur të Rusisë kundër Ukrainës. Mitropoliti Pavel Lebed drejton Lavrën Kyiv-Pechersk, manastiri më i rëndësishëm i Ukrainës. Dega e tij e Kishës Ortodokse të Ukrainës (UOC) ishte më parë besnike ndaj klerit të Moskës. Prokurorët e Kievit thonë se ai dyshohet për nxitje të urrejtjes kombëtare dhe fetare.

Kievi është përpjekur ta dëbojë atë dhe ndjekësit e tij nga manastiri. Mitropoliti Pavel i ka mohuar akuzat dhe argumenton se autoritetet e Kievit nuk kanë baza ligjore për dëbimin e murgjve dhe stafit nga manastiri, shkruan BBC.

Në një paraqitje në gjykatë të shtunën ai e quajti atë “një rast politik”.

“Unë kurrë nuk kam qenë në anën e agresionit” – megjithëse ai nuk e përmendi Rusinë.

Ai e përshkroi statusin e tij aktual si “arrest shtëpie”. Të premten qindra besimtarë u mblodhën në manastirin Kyiv-Pechersk Lavra – i famshëm për shpellat e tij historike – në mbështetje të murgjve duke protestuar kundër urdhrit të dëbimit. /dosja

Related posts

Gjatë vizitës në Kroaci, Erdogan do të inaugurojë eko-xhaminë e parë në Ballkan

admin

Rifillojnë seancat gjyqësore ndaj ish-krerëve të UÇK-së

rezart morina

FSK hap konkurs për pranimin e 612 ushtarëve të rinj

admin