Forcat e armatosura ukrainase goditën selinë ruse ne Kherson dhe në Nova Kakhovka, raportoi BBC-ja të dielën. Njësitë raketore dhe ato të artilerisë i goditën tri pika kryesore të Khersonit si dhe selinë e 35-të të Rusisë, derisa u tha se sulmi preku edhe depo municionesh në Lyubimovka.
Pos kësaj, Ukraina pretendon se ura dhe kalimi mbi lumin Ingulets në Darivka, që gjendet pranë Khersonit, u dëmtua dhe u bë e papërdorshme.
Kjo urë ishte e vetmja mundësi që rusët e përdornin për të transportuar armë, pajisje dhe karburant nga Novaya Kakhovka në Kherson, drejt bregut të Dnieperit.
Rusët kanë “përjetime” të këqija me urat ukrainase pasi forcat vendase u treguan shumë të suksesshme në dëmtimin e urave, me qëllim që përparimi rus të ndalet.
Ura mbi lumin Dnieper në Kherson u godit dy herë, duke e bërë të papërdorshme, ndonëse pas goditjes së parë rusët tentuan ta rregullonin. /koha
