Ushtarët izraelitë arrestuan të paktën 16 palestinezë të tjerë, përfshirë fëmijë, gjatë bastisjeve në pjesë të ndryshme të Bregut Perëndimor të pushtuar, transmeton Anadolu.
Në një deklaratë të përbashkët nga Shoqata e të Burgosurve Palestinez dhe Delegacioni i të Burgosurve dhe të Liruarve të lidhur me Organizatën për Çlirimin e Palestinës thuhet se ushtarët izraelitë vazhduan bastisjet e tyre në Bregun Perëndimor të pushtuar.
Raportohet se ushtria izraelite në 24 orët e fundit ka arrestuar të paktën 16 palestinezë, përfshirë fëmijë dhe ish të burgosur, në bastisjet në qytetet e Bregut Perëndimor, Ramallah, Betlehem, Qalqilya, Nablus, Khalil dhe Jericho.
Theksohet se numri i palestinezëve të ndaluar në Bregun Perëndimor të pushtuar që nga 7 tetori është rritur në 9.600.
Që nga 7 tetori 2023, kur Izraeli filloi sulmin e tij në Rripin e Gazës, ka patur rritje të arrestimeve, bastisjeve dhe sulmeve kundër palestinezëve në Bregun Perëndimor të pushtuar dhe Kudsin Lindor.
Të paktën 571 palestinezë janë vrarë në sulmet e ushtarëve izraelitë dhe izraelitëve që kanë uzurpuar tokat palestineze në Bregun Perëndimor të pushtuar dhe Kudsin Lindor që nga 7 tetori 2023.
