Ushtarët izraelitë, të cilët bastisën qytetin Tulkarim në veri të Bregut Perëndimor të pushtuar për herë të dytë në dy ditët e fundit, arrestuan një të ri palestinez e lidhën në automjetin ushtarak dhe e përdorën si mburojë njerëzore, transmeton Anadolu.
Sipas lajmit të televizionit shtetëror palestinez, ushtarët izraelitë bastisën qytetin e Tulkarimit dhe e rrethuan një shtëpi.
Ka patur një përleshje rreth shtëpisë që ishte nën rrethim në rajonin Azbet el-Jarad të Tulkarimit dhe se ushtria izraelite e goditi shtëpinë me një dron kamikaz.
Në pamjet të cilat qarkullojnë në rrjetet sociale, shihet se një palestinez i arrestuar nga ushtarët izraelitë që bastisën qytetin, ishte lidhur në automjetin ushtarak dhe përdorej si mburojë njerëzore. Siç raporton agjencia zyrtare palestineze e lajmeve WAFA, ushtarët izraelitë bastisën qytetin dhe se shumë mjete ajrore pa pilot fluturonin mbi qytet.
Shumë automjete ushtarake, buldozerë dhe fadroma u dërguan në rajonin Azbet al-Jarad të Tulkarimit. Shtatë palestinezë u vranë në sulmet e djeshme nga forcat izraelite në qytetet Khalil dhe Tulkarim në Bregun Perëndimor të pushtuar.
Numri i palestinezëve të vrarë në sulmet e ushtarëve izraelitë dhe izraelitëve që uzurpuan tokat palestineze në Bregun Perëndimor të pushtuar dhe Jerusalemin Lindor që nga 7 tetori 2023 është rritur në 585.
Që nga 7 tetori 2023, kur Izraeli filloi sulmet në Rripin e Gazës, ka patur rritje të arrestimeve, bastisjeve dhe sulmeve kundër palestinezëve në Bregun Perëndimor të pushtuar dhe Jerusalemin Lindor.
BREAKING: during an Israeli invasion in Tulkarem refugee camp in the occupied West Bank, an army bulldozer parades the streets with bodies of slain Palestinians in the blade pic.twitter.com/v2v6nnmq53
— Tameem | تميم (@TameeOliveFern) July 23, 2024