Komanda Qendrore e Shteteve të Bashkuara (CENTCOM) njoftoi se ka përfunduar valën e fundit të sulmeve ushtarake kundër Iranit.
Sipas CENTCOM-it, forcat amerikane goditën qendra komanduese iraniane, sisteme të mbrojtjes ajrore, kapacitete raketore dhe me dronë, si dhe objekte të mbikëqyrjes bregdetare, me qëllim dobësimin e aftësisë së Iranit për të kërcënuar lundrimin detar në Ngushticën e Hormuzit.
Ushtria amerikane tha se përdori municione precize për të goditur objektiva në disa lokacione, përfshirë qytetin portual Bandar Abbas.
Gjithashtu, CENTCOM bëri të ditur se gjatë një operacioni 90-minutësh të zhvilluar më herët të mërkurën, forcat amerikane goditën pozicione të mbrojtjes bregdetare dhe baza të raketave lundruese në ishullin Greater Tunb. /mesazhi
