Ministria e Shëndetësisë së Palestinës ka njoftuar se tre palestinezë u plagosën nga të shtënat e ushtrisë izraelite në qytetin Nablus të Bregut Perëndimor, raporton Anadolu Agency (AA)
Në një deklaratë të ministrisë thuhet se mjekët trajtuan tre persona të plagosur nga të shtënat e ushtrisë izraelite.
Më herët gjatë ditës, dëshmitarët okularë njoftuan se forcat izraelite u futën në Nablus nga disa drejtime, duke raportuar edhe të shtëna me armë.
Forcat izraelite kanë kryer vazhdimisht bastisje në Nablus në kërkim të anëtarëve të një grupi të armatosur të njohur si “Strofulla e Luanëve”, që u shfaq vitin e kaluar në Bregun Perëndimor të pushtuar.
Izraeli fajëson grupin për sulmet ndaj objektivave izraelite, duke përfshirë vdekjen e një ushtari izraelit në tetor të vitit të kaluar.
Më herët gjatë ditës, një palestinez u vra nga të shtënat e ushtrisë izraelite gjatë një sulmi ushtarak në kampin e refugjatëve Balata, në veri të Kudsit Lindor.
