Ushtria izraelite ka njoftuar se ka vrarë një palestinez gjatë një “operacioni ofensiv” gjatë natës në zonën e Nablusit. Sipas ushtrisë, i riu dyshohet se hodhi një mjet shpërthyes drejt forcave izraelite.
Më herët u raportua se ushtria izraelite vrau një të ri palestinez gjatë një bastisjeje në kampin e refugjatëve Old Askar, në lindje të Nablusit, në Bregun Perëndimor të pushtuar.
Kreu i Gjysmëhënës së Kuqe Palestineze i tha Al Jazeera-s se viktima është Hassan Sharkasi, i cili u qëllua për vdekje nga forcat izraelite. Po ashtu, një tjetër i ri palestinez mbeti i plagosur gjatë bastisjes. /mesazhi
