Një grua ka humbur jetën në një aksident komunikacioni që ka ndodhur në fshatin Sojevë të Ferizajt rreth orës 17:00.
Qytetarja që ka humbur jetën ishte pasagjere në veturën e cila u përplas me një kamion transportues.
Sipas Policisë së Kosovës në këtë aksident lëndime ka pësuar edhe drejtuesi i veturës.
“Me datën 26.04.2024 rreth orës 17:00 kemi pranuar një informatë se në rrugën magjistrale Ferizaj-Gjilan, konkretisht në fshatin Sojevë të Ferizajt ka ndodhur një aksident komunikacioni, ku janë përfshirë një kamion transportues dhe një veturë me targa vendore. Për pasoj e këtij aksidenti një person e gjinisë femër e moshës madhore, e cila ishte pasagjere në veturë ka humbur jetën, vdekja e saj është konfirmuar nga mjekët kujdestarë në vendin e ngjarjes. Ndërsa lëndime trupore ka pësuar shoferi i veturës, i cili për ndihmë mjekësore është dërguar në Qendrën Emergjente në Ferizaj”, ka thënë zëdhënësi i Policisë së Kosovës për rajonin e Ferizajt, Kanun Veseli.
